ციცინო დვალი, თინათინ ჯინჯიხაძე, კოლინ ტორფი - დამხმარე ლიტერატურა ქართული და ინგლისური ენების შესასწავლად

აკადემიური წიგნი, თბილისი 2022, 388 გვ. 

ISBN: 978-9941-9761-7-9

ყდის ილუსტრაციის ავტორი - ედუარდ ამბოკაძე

წინასიტყვაობა

წარმოდგენილი კრებული შედგენილია იმ მეთოდით, რასაც ინგლისური ენის შესწავლის პრინციპი განაპირობებს. წიგნი ორენოვანია. მასში შეტანილია სხვადასხვა მწერლის ადაპტირებული, სასკოლო პროგრამით გათვალისწინებული მასალა (თემატიკა), მათ შორის სულხან-საბა ორბელიანის იგავების ადაპტირებული ტექსტები. წიგნი განკუთვნილია მესამე და მეოთხე დონისთვის.

ნაწარმოებს ახლავს საანალიზო კითხვები, რომლებიც გულისხმობს არა მხოლოდ ტექსტის ცოდნის შემოწმებას, არამედ ყურადღების გამახვილებას იმ ეპიზოდებსა და დეტალებზე, რომელთაც ნაწარმოების გაანალიზებისთვის დიდი მნიშვნელობა აქვს. კითხვა თავის თავში მოიცავს დაფიქრებასა და დაკვირვებას.

გვინდა გამოვხატოთ მადლიერება ინგლისური ტექსტის მთავარი რედაქტორების - ბატონ რუდოლფ და კოლინ თორფის მიმართ იმ ღვაწლისთვის და გულითადი დახმარებისთვის, რომელიც მათ გაიღეს ამ წიგნის შექმნაში.

ბატონი კოლინ თორფი საქართველოსთვის ძვირფას საქმიანობას ეწეოდა მისი სიცოცხლის ბოლო წლებში. იგი იყო მასწავლებელი და რედაქტორი, თავისი საქმის უაღრესად დიდი პროფესიონალი. იგი გულწრფელ, განსაკუთრებულ ინტერესს და სიყვარულს გამოხატავდა საქართველოს კულტურის მიმართ. ამავე დროს, მან ძვირფასი წვლილი გაიღო ახალგაზრდების აღზრდაში და უზიარებდა მათ თავის გამოცდილებას და ცოდნას ინგლისურ ენასა და ლიტერატურაში. ის ძალიან დააკლდება ჩვენს ქვეყანას, მისი მეგობრებს და კოლეგებს. პატივს მივაგებთ მის ხსოვნას.