MAKOTO-ს ვინ ხარ შენ?

MAKOTO-ს თამაშები N 5

აკადემიური წიგნი, 2022

სამაგიდო თამაში სამეგობროსთვის (და არა მარტო მათთვის) 

რა იქნებოდა, თუკი ჩვენ ყველას ვკითხავდით ისეთ რამეს, რაზეც პასუხის მოსმენა ყოველთვის გვსურდა, მაგრამ სხვადასხვა მიზეზის გამო გვერიდებოდა და გულში ვინახავდით? არადა, რამდენჯერ ყოფილა, მეგობრებთან ერთად ყოფნის შემდგომ, ერთგვარი სიცარიელე გვიგრძვნია, რომ რაღაც მეტად მნიშვნელოვანზე შეგვეძლო გვესაუბრა და თავი შევიკავეთ: რამდენს ვიცინებდით, ვიკამათებდით, ანდაც, უბრალოდ - გულს გადავუშლიდით ერთმანეთს. ბოლოს კი, შეიძლება ჩავფიქრებულიყავით და საკუთარი თავისთვისაც დაგვესვა კითხვები. თამაშის მთავარი მიზანი მეგობრებთან თავის შექცევაა. თქვენ შეძლებთ მსოფლიოში უმორცხვესი ადამიანიც აალაპარაკოთ: გვჯერა, რომ, ყველას აქვს რაღაც საინტერესო მოსაყოლი, უბრალოდ, საჭიროა მას სწორი კითხვა შევურჩიოთ… შეგიძლიათ მარტოც ითამაშოთ და საკუთარ თავს გასცეთ პასუხები, თითქოს დღიურს ავსებდეთ. კარგი გასათობი იქნება ასევე მოგზაურობისას - ისეთ რამეს გაგახსენებთ, დიდი ხნის დავიწყებული რომ გაქვთ.

თამაშის შედეგად გაარკვევ:

- სამსახურში ხომ არ ამოწურეთ თავი?

- მეგობრების წრეში რატომ გრძნობთ თავს მოწყენილად?

- თქვენი ახლობელი ადამიანი ზედმეტად ხომ არ მოდუნდა და შეფუცხუნება“ ხომ არ სჭირდება?

- დრო ხომ არ მოვიდა, თქვენი ურთიერთობა საყვარელ ადამიანთან ახალ ეტაპზე გადავიდეს?

- როდის მიხვდით, რომ ბავშვობიდან გამოხვედით და ახლახანს თავიდან გაიცანით მშობლები?

- შვილებთან (ან ოჯახის უმცროს წევრებთან) ხომ არ გჭირდებათ ურთიერთობის დალაგება? და ა.შ.

თამაშის წესები:

შეგიძლიათ ბარათები თემატურად ამოირჩიოთ ან ერთმანეთში აურიოთ. აქ 600-ზე მეტი ბარათია, ასე რომ, გააჩნია, რამდენი ადამიანი თამაშობს და ხანს აპირებთ თამაშს. 1. ბარათები დაალაგეთ ერთ დასტად, გადმოტრიალებულად. წრეზე მსხდომები საათის მიმართულების მიხედვით იღებენ თითო კარტს, კითხულობენ კითხვას და ცდილობენ, სწრაფად უპასუხონ. 2. ნუ იფიქრებთ პასუხზე დიდხანს, თქვით პირველივე, რაც თავში მოგივათ. 3. არ არსებობს სწორი, ან არასწორი პასუხი. მთავარია იყოთ გულწრფელნი! 4. თუკი თქვენს პარტნიორებს მოეჩვენებათ, რომ იტყუებით, გეტყვიან: „არ მჯერა" და მოგიწევთ კარტის ხელში დაჭერა მანამ, სანამ გულწრფელ პასუხს არ გასცემთ. თუ თამაშის ბოლომდე შეგრჩებათ ბარათი ხელში, წააგებთ. 5. ყველას მოგვწონს ადამიანები, ვისაც საინტერესო პასუხები აქვთ. უფრო კი ისინი, ვინც კარგ შეკითხვებს სვამენ. მაგრამ აღგვაფრთოვანებენ ის ადამიანები, ვისაც შეუძლიათ მოსმენა. გისურვებთ მხიარულ თამაშს!