სალომე ცისკარიშვილი - მუზეუმის მართვის პრინციპები

აკადემიური წიგნი, თბილისი, 2021, 180 გვ.

მუზეუმი მრავალფეროვანი შესაძლებლობების დიდი რესურსია, რომელსაც დღეს საქართველო თითქმის ვერ იყენებს. მუზეუმები გვჭირდება არა მხოლოდ წარსულის შესახებ მეხსიერების შესანარჩუნებლად, არამედ იმისთვის, რომ მზად ვიყოთ აწმყო და მომავლის გამოწვევებისთვის, ანუ საზოგადოების და ქვეყნის განვითარებისთვის.

წიგნში საუბარია იმაზე, როგორ შეუძლია ჩვენს მუზეუმებს კარდინალურად შეცვალონ ვითარება. თანამედროვე მუზეუმის მართვის პრინციპების ადაპტაცია საქართველოს პირობებთან ამ სახელმძღვანელოს საკვანძო კომპონენტია.

ამასთანავე, წიგნი ნებისმიერ ადამიანს დაეხმარება შეიქმნას ადეკვატური წარმოდგენა თანამედროვე მუზეუმის საქმიანობის სპეციფიკაზე, დაინახოს მუზეუმთან თანამშრომლობის შესაძლებლობები და სარგებლობა. ამრიგად, წიგნი განკუთვნილია არა მხოლოდ მუზეუმების თანამშრომლებისა და სტუდენტებისთვის, არამედ ფართო საზოგადოებისთვისაც.

ავტორის შესახებ:

სალომე ცისკარიშვილი 2003 წლიდან მუშაობს სამუზეუმო სფეროში. თავდაპირველად მისი სამუშაო გამოცდილება შემოიფარგლებოდა საქართველოს მუზეუმების ასოციაციისა და ICOM საქართველოს საქმიანობაში მონაწილეობით. 2006-დან 2015 წლამდე იყო აბრეშუმის სახელმწიფო მუზეუმის დირექტორი და არა მხოლოდ გადაარჩინა ეს მუზეუმი, არამედ მის გააქტიურებასაც ჩაუყარა საფუძველი. 2010 წლიდან ილიას სახელმწიფო უნივერსიტეტში ასწავლის რამდენიმე სამუზეუმო კურსს. არის ICOM საქართველოს თანადამფუძნებელი და საბჭოს წევრი.